آخرین مطالب:  

کیرمانشاه دا سویوقدان اؤلنلری گؤرمویوب عفرینده کی سلاح انبارلارین ساوونانلار

اؤیرنجی سسی: کیرمانشاه دا ایکی یاشلی سارینا دان سونرا ۴ آیلیق محمد ده قیشین سویوغوندان گؤزلرین یومدو اما سؤزده کورد ملتی نین حاقلارین ساوونانلار نه سارینانی گؤردو نه محمدی، نیه کی عفرین ده کی تسلیحات انبارلاری نین پاتلاماسی باش لارینی قاتیب.

۴۰ گون بوندان اؤنجه کیرمانشاه دا گلن زلزله دن دولایی قیشین سویوق گئجه لرینده ائویسز قالیب ایستی بیر سیغیناجاغی اولمایان عایله لرین ایچینده، ایکی نجی اوشاق دا سویوقدان اؤلدو گئتدی اما کورد نماینده لری پارلماندا بوغازلارین جیرمادیلار. بوندان اؤنجه ده بیر نئچه یئتیشکین انسان جانیندان اولموشدو.

عفرین ده پاتلایان تسلیحات انبارلاری نین دردیندن اؤزونو توتابیلمین قسیم عثمانی تهرانین پارلمانین دا کورد ملتی آدیلا پ ی د نی ساوونماق دا اولان زامان کیرمانشاه داکی کوردلر سویوق گئجه لرده اؤلومله قول بویون ایدیلار و ایندی ده عینی شرایط ده یاشییرلار.

ترورچو قروپ لار دولت صاحیبی اولماق اوچون توپراغا و کورد ملتی نین میلتچی لیک دویغوسونا احتیاج لاری وار. بو اوزدن اون لارجا ایل دیر بیج دوشونجه لری نی کورد ملتی نین دویغو رحمینده بسلمک ده دیرلر و اونلارجا ایلدیر باشقا ملت لرین توپراقلارینا گؤز تیکیبلر.

مارکسین کیتابین کلاشینکف دان آسلاماق لا سولچولوق دوشونجه سین منیمسیین ترورچو قروپو، پ ک ک و اونون ایران قولو پژاکین طرفدارلاری نه دن کیرمانشاه دا کی ائوسیز، آج قالان کوردلرین یاردیمینا گئدمیرلر؟ گئجه گوندوز سوسیال مئدیالاردا عفرین ده کی ترورچولاری ساوونماق دان اللری اولمور یوخسا هئچ کورد ملتی نی دوشونمورلر؟

بلژیکا دا «خلق های ایران» آدیندا پلاتفرم گئچیردن پژاک نه دن خلق های عفرینی هئچ زامان گؤرمه دی و گؤرمور؟ عفرین شهری نین چوخونلوغون کورد ائتمک اوچون ۱۰ مینلرجه عرب له تورکمنی ائویندن قویوب سورگون سالان پ ی د یه قارشی «مدافعین خلق های تحت ظلم» ون سسی نیه چیخمادی؟

ترورچو قروپلارین دئدیکلری گرچکلشیب باتی، اورتا و دوغو کوردستان قورلان زامان بؤیوک کوردستانی یاردیب اونا صاحیب دورماق اوچون بو اوچ دولت بیر بیرینین جانینا دوشوب ساواشاجاقلار. نئجه کی عراغین قوزئیینده کی رفراندومدا طالبانی لر له بارزانی لرین آراسیندا بو ایش اولدو. نیه کی درد گوج دردی دیر عمی بهانه دیر!

اشتراک گذاری

حمایت تورک‌های آزربایجان جنوبی از عملیات شاخه زیتون + تصاویر

دادستان کل رژیم معترضین حجاب اجباری را« نادان» و «احساساتی» خواند

مطالب مرتبط

دیدگاه خود را ثبت کنید.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

Time limit is exhausted. Please reload CAPTCHA.