آخرین مطالب:  

دوشوندوروجو آنلارین، دوشونجه-لری

۲۰۰۹ دا یاشیل حرکات­ین جریان ائتدی­یی گونلر و او زاماندان گونوموزه قدر گلمیش ایللر بویونجا، بیر سورون بیزی دوشوندورمه ­لی­ ایدی و ۷٫جی گونونده اولدوغوموز، ایراندا یئنی پروتست دالغاسی­نین قیزغینلیغیندا، بیرداها اؤز آکتوئل­لی­یینی تحکومله، یادیمیزا سالماقدادیر.

سورون بو: ایراندا، رئژیمه قارشی، باشقا بؤلگه­ لردن باشقا گوجلرین ایاقلاندیغی تقدیرده، بیز نه ائتمه­ لی­ ییک؟

سوروندا اولان، “بیز” کیمیدیر؟
“گونئی آذربایجان میلی حرکاتی” کیمی تانییب، تانیتدیردیغیمیز، دموکراسی، میللی و بؤلگه سل ایستکلری و میللی کیملیک دردی اولان بیر توپلومسال حرکات. بو حرکات بیر سیاسی ایدئولوژی و سیاسی اؤرگوت چرچیوه­سینه سیغمادیغی کیمی، “گونئی آذربایجان تورک میللتی”ده بو حرکتدن چوخ چوخ گئنیش اولماقدادیر. بو حرکاتین، سیاسی، ایدئولوژیکی و اؤرگوتسل بیر طیف اولماسینی وورغولاماقدا فایدا واردیر.

بیزیم ایراده­ میزدن باغیمسیز ثابت فاکتورلار:

۴۰ ایل اؤنجه بشر تاریخی­نین ان یوکسک درجه­ده بیر کوتله­وی ایجماعسیلا یولا دوشوب، اسگی رئژیمی دوشورمکده اوغور قازانان دئوریم، شاه رئژیمی­نی دوشورورکن، اونون یئرینه، هر دیکتاتورلوغون اوزونی آغاردان، بیر قارا ایسلامی ایدئولوژیکی رئژیم­ین اوتورماسیلا سونوچلاندی.

موقاییسه

اینسان ذکاسی­نین تانیدیغی ان بسیط تانیماق متودو، “موقاییسه”دیر. حتی عالیملر، ان مورکب سورنلاری آنلاماقدا و آنلاتماقدا، بو متودا باش وورورلار. “ایران ایسلام جمهوریتی” آدلانان رئژیم ده، موقاییسه یولو ایله دیرلندیلیر. بو موقاییسه، ده، نه افغانستان، مالزی یا پرو ایله، بلکه ائله ۱۹۷۹ دا دئویریلن، پهلوی رئژیمیله اولونور و سؤزسوز کی، پهلوی رئژیمی هم رومانتیزه اولور و هم بوگونکو دوروملا بیر موقاییسه­ده، اوستونلوکلرینی گؤرمک اولور.

سوبئیکتیو/ذهنی فاکتور

  1. بوردا بیر اویئکتیو/عئینی بیر موقاییسه­ده سؤز قونوسو دئیر. هر وطنداش یادیندا قالان، اوخودوغو و ان اساسی، ایسته­دی­یی، سئچدی­یی و آلقیلادیغی بیر “پهلوی رئژیمی”ایله بوگونکو ایرانی موقاییسه ائدیر. باشقا سؤزلرله، رومانتیزه اولموش، اولوب، الدن گئتمیش نوستالژیک “خوش گونلر”له و بوگونون آجی رئال­لیقلاری موقاییسه اولور. بو تکجه ایرانا عایید دئیر. بو حاقدا شوروی­نین ایلک ایللرینده ۱۹۱۹-۱۹۲۱ جی ایللرده جریان ائدن وطنداش ساواشیندا کیفایت قدر ثبت اولموش سوسیو-پسیکولوژیک فاکتلارا دایانیر. او ایللرده، بؤلگه­لرین تئز-تئز آغلار و قیرمیزیلار آراسیندا ال-به-ال اولدوغوندا، همیشه موقاییسه “کئچیب بیتمیش زامان” خئرینه اولوردو. بیر روس آتالار سؤزو بئله­دیر: “هاردا یاخشی­دیر؟ اوردا کی بیز یوخوق!”

پاندول حرکتی

اینسان بیر فرد و بیر توپلوم کیمی، “پاندول حرکتی”نه بنزر بیر رفتار گؤسترمه ­سی، سوسیولوقلارا بللی اولان بیر رفتار دیر. بیر رادیکال­لیق دالغاسیندان سونرا بیر موحافیظه­کارلیق و ساییر. آوروپادا بیردن بیره باخیرسان، بوتون سیاسی خریطه، دومینوواری، قیرمیزی اولار و بیر نئچه ایل سونرا، موحافیظه­ کار و ساغ بلوکلار، بوتون آوروپادا، حاکمیتلره قاییدیریلار.

بو حئسابلا، “شاه رئژیمی” و “ایسلام جمهوریتی” ثنویت­یندن باشقا بیر قاوارملار تانی­میان ایران اهالیسی، ۳۹ ایل ایسلام حاکیمیتیندن سونرا، یئنی­دن عکس جهتده بیر

 

حرکته آماده اولماسی، تعجوب دوغورمامالی­دیر. تکرارا نتیجه آلمالی­ییق کی، حتی بو ایکی رئژیم هر باخیمدان اوخشار دورمدا اولسایدیلار بئله، بو رفتار اولگوسو اساسیندا، شاه رئژیمی دیرلری و شوعارلاری دوغرولتوسوندا بیر تمایول صاحیبی اولمالاری، بو قایدایا اویقون بیر رفتار ساییلمالی­دیر.

اوبئیکتیو/عئینی فاکتورلاراینقلابدان سونرا، ایران اهالی­ سی­ نین ایکی قات اولدوغو ایللرده، اؤلکه نین ایقتیصادیاتی یالنیز بیر یاریم قات بؤیوموشدور. بو بلکه اون یا یوز فاکتوردان بیری و او فاکتورلارین آناسی دیر. قالان فاکتورلارلا بیرلیکده، فاکت بودور کی، ایران اهالیسی بورئژیم حیاتی بویوندا، قولاقلاری دیبینده اسگی سووئی جمهوریتلری آزاد اولوب،  کؤرفز اؤلکه ­لری یئنی بیر حیات اینشا ائدیب و تورکیه اهالیسی ۳ قات وارلاشاکن، کاسیبلاشیبلار.

 

سونوچایرانین فارس بؤلگه­لرینده، هر بیر دئیشیم و هر دئیشیمه دوغرو آتیلان آددیم و وئریلن شوعارلار یوخاریداکی فاکتورلاردان ائتگی ­لنمه ­یه بیلمیزلر. هم یاشیل حرکات و هم بو گونلرین شوعارلاری و هم بو فاصیله ­ده باش وئرمیش اولایلار، بو مودعانین ایثباتی­دیر. فارس میللتی آراسیندا حاکیم اولان روحیه­ده، اساسن دموکراسی یئرینه، ایقتیصادی فلاکت­ین آرتماسینا قارشی اعتیراض و فردی آزادلیقلار طلبی حاکیمدیر. بو جماعت اوچون “دموکراسی” بیر لوکس و اساسن، آیدین سانیلان کسیمین دغدغه­ سی دیر. بوردا یارانان پارادوکس گؤز قاباغیندادیر. هر دفعه آریاچی­لیق و آنتی عرب شوعارلاری­نین سسلندی­یی اعتیراض نوماییشلری­، فارس مئدیاسی و فارس اوپوزیزیسیون نوماینده­لری واسیطه­سیله باتی مئدیاسیندا یاییلمانمادان اؤنجه بیر “روتوش” عملیاتینا جیددی بیر ائحتیاج دویولدوغو و بو روتوشون آپاریلدیغی گؤرسنیر. بئله­لیکله، “کوروشون قبری” آدلانان آدرسده، سون درجه راسیستی و ایرتیجاعی حرکتلر بئله، آدی چکیلن مئدیا طرفیندن روتوش اولدوقدان سونرا، ائله بیر یئنی فورماتدا تقدیم اولور کی، محمدرضا شالگونی کیمی اورتودوکس کمونیست­له بهزار کریمی کیمی ایلیملی کمونسیت آراسیندا، “کوروش” مراسیمیندان مودافیعه اوزره موسابیقه وئریلیر!  سون ایللرده، فارس بؤلگه­ لری­نین اعتیراضلاریندا، حاقلی دو دوزگون شوعارلارلا یانی-سیرا، آشاغیداکی ۳ تمایول­ ده گؤرسنمکده­ دیر:

  1. آنتی عرب لیک،
  2. آریاچی­لیق و

    بیز، اؤز ایراده­میزدن آسیلی اولمایاراق، بو دوروملا قارشی قارشی­یاییق. فارس میللتی­نین هزینه وئریب، اعتیراضا قالخماغا حاضیر اولان کسیمی بو حالی روزگاردا ایکن، فارس ضیالی­لاری و مئدیاچی­لاری، بونلارین بیر “رئاکسیا” و کئچیجی اولماسینی ایدیعا ائدیب، عئینی حالدا روتوش فعالیلرینده چوخ جیددی ایش آپاریرلار. روتوش هم بو اوچ بویانی، ا

  3. پهلوی رئژیمیندن مودافیعه،

آنتی عربلیک و آریاچی­لیق، فارسلار، کوردلر و هر هانکی باشقا میللته قارشی کوللکتیو سوچلاما و دامغالاما قدر چیرکین بیر ایشدیر.

همیت­سیزلشدیرمک و هابئله زوارکی­لیک/خشونت ائلمنتی­نین اورت باسدیر ائتمه­سی یؤنوندهگئدیر. قاییدالیم مقاله­نین ایلک باشیندا اویولدوغو سورویا:

ایراندا، رئژیمه قارشی، باشقا بؤلگه­لردن باشقا گوجلرین ایاقلاندیغی تقدیرده، بیز نه ائتمه­ل

 

ی­ییک؟

بو، یالنیز بوگونون سورونو دئیر: ۲۰۰۹ دا دا سورون بو ایدی و گله­جک هر بیر قالخیشمادا دا اوز-اوزه، باش-باشا گله­جه­ییمیز، دانیلماز بیر فاکت و قاچیلماز بیر سورون دور. آذربایجان ایکی مؤوقع­ده دورا بیلر:

بیرینجی مؤوقع: آذربایجان اؤز سورونلارینی چؤزمه­ یی، تک باشینا قادیر اولماسی

 

نا اینانارکن، اؤز استراتژی و تاکتیکلرینی بلیرلندیریر.

 

ایکینجی مؤوقع: آذربایجان  کومپلکس بیر دؤولت گؤجوایله قارشی-قارشی­یا دورماسینی گؤروب و بوگونکو دورمدان،  گله­ جکده حاقلارینی آلمیش بیر دوروما آپاران یول حاقیندا بیر یول خریطه­سی جیزمالی­دیر.

یوخاریدا ترسیم اولان فارس بؤلگه ­لری­نین تهران رئژمینه قارشی فعال­لاشدیغی و فارس قووه ­لری­نین مئیدانا گلدی­یی هر بیر دورومدا، بو ایکی مؤوقع­دن ایکی فرقلی سونوچ چیخا بیلر:

بیرینجی مؤوقعه ایناندیغمیز بیر حالدا، آذربایجان، قالان ایران تورپاغیندا نه اولوب باش وئردی­ییندن باغیمسیز، اوز استراتژی و تاکتیکلرینی حیاتا کئچیرمک پئی­یینده اولمالی­دیر. بو توتومدان یارانان پروبلئملر آز دئیرلر:

– تاریخی باخیمدان، حتی دموکراتیک اؤلکه­لرده، حاکیم رئژیمین صاحیب اولدوغو قودرت، بیر بوتون بلوک­دور. اونو یاریمچیلیق، یالنیز بیر بؤلگه ­ده محدودلاشدیرماق و یا یالنیز بیر سئچیلمیش سینیز چرچیوه­ سینده، یئنمک اولماز. ۱۳۵۶-۱۳۵۷ جی ایران اینقیلابیندا دا، پهلوی رئژیمی بیر بوتون بلوک کیمی یئنیلدی. عکسینه ۱۹۴۵-۱۹۴۶ میللی حوکومت و ۱۳۵۸ ده خلق موسلمان حرکاتی، آذربایجاندا نه قدر گوجلو اولسالاردا، ایراندا اولان مرکزی گوج بلوکو اؤنونده، اوزولرینی قوریا بیلمه­ین بیر وارلیق ایدیلار. ۲۰۰۹ دا دا، یاشیل حرکاتی یالنیز تهرانا محدود قالماسیلا، پرسپکتیوسیز دورومدا قالدی و یئنیلدی. سون آیلاردا، عیراقین قوزئی­یینده، کورد یئرلی یؤنتیمی، بغدادلا راضی لاشمادان، بوتون قونشو و دونیا گوجلری­ین اویاریلارینا رغمن و اوزون ایللر حاکمیت تجروبه­لرینه باخمیاراق، باغیمسیزلیق رفراندومونون عاقیبتی بیرداها گؤستردی کی، اورتا دوغودا، قودرت و دؤولت موعادیله ­سی، چوخ مورکب­دیر و بو مئیداندا، توم فاکتوررلاری حئسابا آلمادان، اؤز گوجونه یئرسیز گووه ­نن بیر قووه

، چوخ آجی سونوچلارا وارا بیلر.

 اگر ایرانین بیر بوجاغیندان، مرکزی حاکمیته ایراده تحمیل ائتمک یا اونو یئنمک چتین باش توتان سئواددیر، بوتون ایراندا، ایرانین بیر حیصه ­سی (میثال اوچون اؤلکه

 

 نین قوزئی ­باتی­سیندا گونئی آذربایجانین کومپاکت یاشایان ۱۰ ملیون تورک اولمادان) موداخیل اولمادان، قودت موعادیله­ سی حل اولا بیلر. بو حالدا، تهراندا رئژیم دئیشدی­ییندن سونراکی دورومدا، آذربایجان­ین دورومو نه اولا بیلر و هانسی یؤنده دئیشه بیلر؟

– ایرانین، بوتون دونیا مئدیاسی­نین دیقت مرکزینه چئوریلدی­یی حال­دا و حال­لاردا، اگر آذربایجان اؤز سؤزونو دئمیر، اؤز شوعارلارینی وئرمیر و اگر بو فورصتلرده دونیا مئد

یاسیندان دونیایا سسلنمیر، نه زامان و هانسی فورصتلرده بو ایشی گؤرمک ایسته­ییر؟

– دونیادا بیر یازیلمامیش پرینسیپ واردیر: “نوماینده­ لیک پیرینسیپی” بو اساسدا، ملیونلارلا اهالی­سی اولان بیر توپلومون، آکتیو حیصه­ سی، دانیشانلاری، یازانلاری و سسلرینی قالدیرانلاری، سایلاری­نین آز چوخ اولماسیندان آسیلی اولمادان، او توپلومون نوماینده­سی ساییلیر. بو اساسدا اگرا ۸۰ ملیون اهالیسی اولان ایران اؤلکه­سیندن مینلر و حتی یوزلر اینسان، غیری قانونی بیر گؤستریده، اؤز سسلرینی قالدیریرلار، شوعار وئریرلر و قطعنامه قبول ائدیرلر، اوتوماتیک اولاراق، بوتون “۸۰ ملیون ایران اهالیسی”نین سسی حئساب اولورلار. بو فورصتی قاچیران آذربایجان، دالدان هانسی گوجله و هانسی

 داشی آتاجاق کی، اؤز سسینی دونیایه دویدورا بیلسین؟

–  یوخاریدا شرح ائدیلن سببلردن، فارس توپلومونون آریاچی، پهلویچی و ایرانچی(ناسیونالیست) خسته­لیکدن هلم هلم خیلاص اولاسی دورومدا دئیر. اگر بیز فارس توپلوموندان و اونلارین تأثیر دایره­سینده اولانلارین میللتلرین، بو خسته­لیکلردن اوزاق بیر سیاسی رفتار گؤزله­سک، یقین بو گؤزمله­مک، اوزون چه­جکدیر. بو حالدا، اگر آذربایجان اؤز اعتیراضلاری­نین عیان ائتمه­سینی، فارس بؤلگه­لریندن ساغلام سیاسی شوعارلاین اوجالماسینا مشروط ائتسه­، نه زامانسا، بو گؤزل گونون شاهیدی اولماغا اومود بسله­مک اولارمی؟

-فرض ائدک کی بوگون هر بیر اعتیراض و کوتله­وی حرکت قالخیشی یولا سالمانین مونوپولو، آذربایجان میللی حرکتی­نه مخصوصدور. ایراندا سوسیال عدالتسیرلیک، ظولم، فقر و اؤزباشینالیغین باش آلیب گئتدی­یی بیر دورومدا، اگر بوتون ایرانی اعتیراض ایاقلاشماسی بورودویو حال­لاردا، میللی حرکت، اؤز دموکراتیک  شوعارلاریلا، اهالی­نین حیس ائتدی­یی عدالتسیزلیک ا عتیراض دویغولارینی یؤنلندیرمکده، تشبوث گوجونو قوللانمازسا، بو مونوپولون، میللی حرکتین الیندن چیخما ریسکی نه قدر جیدی­دیر؟ و اگر میللی حرکات، بو کوتله­وی حرکت قالخیشی یولا سالما مونوپولونو، الدن وئریرسه، اونون ایراده­سیندن باغیمسیز و اونون ایلکه­لرینه قارشیت، شوعارلارین تبریز، اورمو، اردبیل، زنجان و ساییر شهرلریمیزین مئیدانلاریندا سسلنمه ریسکی نه قدر آرتیر؟ باشقا سؤزله، میللی حرکات، ساییر ایرانلا عئینی زاماندا، خیابان و مئیدان حرکاتیندان ایمتیناع ائدیرسه، بو ایمتیناع، نهایتده، باشقا قووه ­لرین توپارلانیب، بیزیم اینسانلارین اعتیراضلارینا ایسته ­دیکلری کیمی ترجومان اولما ریسکی نه قدر آرتیر؟ داها دا ساده بیر دیلده دئسک: نه غزه نه … شوعاری، مشهددن و کرمانشاهدان گلرکن بیز مئیدانلاری بوش بوراخمامیز، باشقا قووه­لره، بیزیم بوش قالمیش مئیدانلاریمیزا، بو شوعارلاری داشیماق، ایمکانی ساغلامازمی؟

بیر سوآل:  اگر بیز یوخاریدا وصف اولان رئال­لیقلاری نظره آلیب، ایران اولایلاری، دونیا مئدیاسی­نین دیقت مرکزینه آلیندیغی حال­لاردا، مودئرن، دموکراتیک و راسیسم­ین هر بیر تظاهوروندن اوزاق، شوعارلار و ایستکلرله مئیدانا گلسک، ایراندان قالخان سسلرین سیراسینا، دوزگون و دونیادا قبول بولابیلن، اینسان حاقلاری و سوسیال عدالت طلبی­نه­­ سس قاتساق، اگر بیزیم سسیمیز، ایرثی (شاهلیق) اصول ایداره­سی، ایرقچی لیق، آریاچیلیق و هر جور ناسیونالیسمه قارشی اولورسا، بیز نه­لر اودوب و نه­لر اودوزوروق؟

۷ فرقلی سئناریو

ایران ایسلام جمهوریتینه فارس بؤلگه­ لرینده باشلانمیش بیر اعتیراض حرکاتینا، میللی حرکات، پلانلی شکیلده و اؤز شوعارلاریلا قاتیلمازسا، آشاغی­دا حاللار باش وئره بیلر:

  1. میللی حرکات اؤز شوعارلارینی، سلطنت و آریاچی لیغا قارشی شوعارلار و هابئله رئژیمه قارشی شورعارلارلا، عموم ایران اعتیراض حرکاتینا قاتیلیر.
  2. میللی حرکاتدان باغیمسیز اولان قووه­لرین تشبوثو و تشکیلاتچی­لیغی­ آلتیندا، آذربایجان اعتیراض حرکاتینا قوشولا و آزاراق میللی شوعارلارلا برابر، فارس بؤلگه­لرینده اولان اولان شوعارلارینا بنزر تورکجه شوعارلار وئریلر.
  3. میللی شوعارلارسیز، یالنیز ، فارس بؤلگه ­لرینده اولان اولان شوعارلارینا بنزر تورکجه شوعارلار وئریلر.
  4. میللی شوعارلارسیز، یالنیز ، فارس بؤلگه ­لرینده اولان اولان شوعارلار، فارسجا وئریلر.
  5. فارسجا رئژیمه اعتیراض شوعارلاریندان علاوه، ایرانچی­لیق شوعارلاری وئریلر. (جانم فدای…، نه عزه…، جمهوری ایرانی)
  6. فارسجا رئژیمه اعتیراض شوعارلاریندان علاوه، ایرانچی­لیق و شاهچی­لیق شوعارلاری وئریلر.
  7. فارسجا رئژیمه اعتیراض شوعارلاریندان علاوه، ایرانچی­لیق،  شاهچی­لیق و میللی حرکاتا قارشیشوعارلار وئریلر.

 

“بیر مسئله­لی” حرکات
۱۹۸۰-جی ایللرده، بوتون باتی اؤلکه­لرینده، چئوره­چی­لر، یالنیز “بیر مسئله­لی” حرکات ایدیلار یعنی اونلاری (بیر حرکات کیمی)، وئرگی، سیاسی ایدئولوژی یا سوسیال عدالت مارخلاندیرمیردی. اونلار دئیردیلر: حاکمیت سوسیال دموکرات­دا اولا بیلر، موحافیظه­کاردا و لیبرال دا. بیز، بو پروسه­ده موداخیله ائتمیریک و یالنیز، صاندیقدان چیخان حوکومتین، چئوره سورونلاریندا دا دویارلی اولماسینی ایستیریک. ۱۹۹۰-جی ایللردن باشلایاراق، بو حرکات باشقا سیاسی جریانلار کیمی، “چوخ مسئله­لی” سیاسی جریانلار یعنی همان سیاسی پارتیالارا چئوریلدیلر.

گونئی آذربایجاندا، حرکات کیمی مؤجود اولان، “میللی حرکات”، اؤز قرارینی وئرمه­لی­دیر. اگر بو حرکات ایستیر “بیر مسئله­لی بیر حرکات” کیمی، یالنیز میللی حاقلار و بونونلار باغلی اولان تبعیضلره قارشی موجادیله وئرسین، اوندا، بو حرکات باخیمیدان، دینچی­لر، شاهچی­لار، لیرال­لار، موحافیظه­کارلار، خالق موجاهیدلری، کمونیستلر و ها هانکی باشقا بیر سیاسی جریانین، اقتیداردا اولماسیندان، باغیمسیز اولاراق، میللی تبعیضه قارشی سیاسی و کولتورل دیانیشمادا اولمالی­دیر.

بیر وطنداش کیمی، من فیکر آزادلیغیمدان یارارلانیب، دئمک ایستیرم کی، یوخاریدا کی ۹ فرقلی سئناریودان، ۱-جی آلترناتیودن سونرا، بوتون آلترناتیولر بیزی اوچوروما آپاریر. میللی حرکات یالنیز بیر کامو اویو/ایجتیماعی فیکیر فورمالاشدیران سیاسی حرکت و لوببی­چی­لیک قوروپو کیمی ده فورمالاشیب و اؤز ایستکلرینی “موطالیبه مئحورلیک” پرینسیپی اساسیندا، بوتون سیاسی قوه­لره تأثیر قویماق آماجیلا، آرایا قویا بیلر. منجه گرک میللی حرکت “چوخ مسئله ­لی” بیر حرکات ایدیعاسیندا اولسون و بو ایدیعاسینا یاراشان بیر سویه ده داورانا. ایران کیمی یئرده، “بیر مسئله­لی” حرکت حتی بیر یاشیل­لیق آلانی­نین سالینماسی یا بیر اوشاق باغچاسی آچماقدا دا، اوغورسوز قالا بیلر. گونئی آذربایجان ملیی حرکاتی گرک اینسان حاقلاری، چئوره­چی­لیک و میللی حاقلاردان علاوه، ایقتصادی بؤحران، سوسیال عدالتسیزلیک، دموکراسی، قادینلارین حاقلاری، دینی آزینلیقلارین حاقلاری، بؤلگه­ده باریش، بؤلگه­یه­ اینقیلاب و ترور صادیر ائتمه­یه قارشی دورماق کیمی، آذربایجان توپلومونون بوتون سورونلاری­نین چاووشی اولسون. اگر بو سورونلارا و اونلارلا باغلی اولان عاجیل شوعارلار بوگون صاحیب چیخمازسا، مئیدان همیشه بوش دوران دئیر. سیاست مئیدانی حتی غیری دموکراتیک اؤلکه­لرده، هم ده، بیر رقابت مئیدانی­دیر. بیر مئیدانی بیر قووه بوش بوراخیرسا، او بوشلوغو دولدورماغا، سیاسی قووه تاپیلاجاقدیر. او حالدا، یوخاریدا کی سئناریولارین، بیرینجی­سی یوخ، او بیریلری محقق اولماق شانسی تاپاجاقلار.

۲۰۰۹-دا یاشیل حرکاتین سهولری
یاشیل حرکات هله بیر اعتیراض حرکاتی اولمامیش، میرحسین موسوی و مهدی کروبی­نین سئچگی کامپانیاسی دؤورینده، متفرعین، نوکیسه اورتا طبقه­یه باغلی بیر باخیشا صاحیب ایدی. میر حسین موسوی حتی ناشیرلرین، حاقلاریندان بول بول دانیشدیغی حالدا، کاسیبلار، حاشیه­نشینلر، ائوسیزلر، ایشسیزلر وماعاشلارینی آلا بیلمه­ین ایشچی­لرین حقوقلاریندان جیدی بیر سؤز دانیشمادی. بوگون ده، ایراندا “ایصلاحاتچی” تانینان سیاسی جریان، ایرانین ۵۰ شهرینده جریاندا اولان آجلارین و حاشیه­نشینلرین حرکاتیندان گؤره بیلدیکری، خشونت و قانونسولوقلاردیر. میللی حرکات بو خیبطی ائتمه­مه­لی­دیر. سوسیال عدالتسیزلیک و میللی عدالتسیزلیک، بیر-بیریله قول قولا اولان بیزیم اینسانیمیزی کونجه دیری­ین، سورونلاردیر. میللی حرکات، اؤز کؤکلرینه، اؤز توپولومونا، صاحیب چیخمالی­دیر. سون ۳۹ ایلده، ایران اهالیسی ۲ قات اولدوغو حالدا، اؤلکه­نین ایتیصادیاتی یالنیر بیر یاریم قات بؤیوموشدور. بو، یعنی توپلومون جیدی درجه­ده کاسیبلاشماسی. بو بیر دانیلماز فاکت دیر و لوکس بیر مسئله­دئیر. اؤزللیکله بو کاسیبلاشما، میلیاردلیق رانتلار و عمومی سیستم­دن میلیاردلیق اوغولوقلارلار چین-چیینه جریان ائتمیشدیر. بو گون بو فاجیعه­لرین قوربانلاری، بو فاکتلاری هرگون مئدیادا گؤرن چاره­سیز اینسانلار ایقدادیرلار. اونلار اؤز دوغال و اینسانی حاقلارینی باغیریرلار. بو بیر تمل­دیر. شاهچی­لیق، آریاچی­لیق و آنتی­عرب شوعارلار بوگونکو سویه­سینده، حاکیم رئژیمه آغیز ایمک و آجیق وئرمک کیمی ده یوروملانا بیلر.

نوماینده­لیک پرینسیپی

سئچگی­لر و رفراندوملاردا، دموکراتیک سس وئرمه حاقی اویقولانیر. خالق ایاقلانمالاری، اؤزل­لیکله، دموکراتیک سئچگی­لردن یوخسون، غیری دموکراتیک توپلوملاردا، پرینسیپ باشقادیر. بو حال­لاردا، بیر ملیونلوق شهرین اهالیسی­نین فیکری مین نفرلیک بیر کیچیک آکتیو اعتیراض ائدنلر طرفیندن آرایا قویولور. بوگون بوتون ایراندا، ۵۰ شهرده بلکه توپلام ۱۰۰ مین نفر اعتیراظلارا قاتیلان وار. آمما بو ۱۰۰ مین نفر، “ایران”ین سسی و ایران وطنداشلاری­نین سسی حئساب اولونور. دوغرودور، ائنینده-سونوندا، بیر رفراندوم یا بیر مؤسسان مجلیسی سئچگیسی، یئنی بیر دوزنه لئقال/قانونی ایستاتوس وئره­جکدیر. آمما اوزن سوره­دن سونرا باشا توتا بیلن رفراندوم/مؤسسان مجلیسی، بوگوندن یارانماغا باشلامیش، بوگونکو اعتیراض شوعارلاری­نین گوجلو تپگی­سی آلتیندا فورمالاشان، کامو اویو/عمومی فیکیر و سؤیلم تملینده، نتیجه­لنه­جکدیر. ۱۳۵۶-۱۳۵۷ ایمقیلابی­دا بئله اولدو. میثال اوچون اردبیل کیمی شهرده، ایلک اعتیراضچیلارین سایی ۲۰۰ نفر اولدوغو حالدا، ۱۳۵۸-جی ایلین ۱۲ فروردین رفراندوم تاریخینه گلدیکده، یاریم ملیوندان آرتیق اهالیسی اولان اردبیلده آلینان نتیجه، همن ۲۰۰ نفرین ایراده­سی یؤنونده­ایدی.

باشقا سؤزله، بوگون اعتیراض نومایششلرینده سسلنن شوعارلار، صاباحکی دوروموموزون، فورمالاشماسیندا، سونسوز بیر درجه­ده اهمیت داشاییر. بوگون سوسان شهرلر، میللتلر، قوروپلار و سیاسی آخیملارین نوماینده­لری، ایاقدا و سوکاکدا/خیابانلارد و مئیدانلاردا اولانلار حئساب اولونورلار.

اگر آذربایجان، اوزو چیخیب، اؤز شوعارلارینی وئرمزسه، ایرانین دؤرد بیر یانیندا، ایاقدا اولانلارین شوعارلارینی و ایراده­لرینی و نامعین بیر گله­جه­یه قدر، اونلاری ازونه نوماینده قبول ائتمیش اولور.

 

اشتراک گذاری

عدم تخصیص اعتبار از سوی دولت به شهرداری خوی

رهبر ایران خانواده خود را با کمک روسیه به ترکیه انتقال داد

مطالب مرتبط

هیچ مطلب مرتبطی وجود ندارد.

دیدگاه خود را ثبت کنید.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

Time limit is exhausted. Please reload CAPTCHA.