آخرین مطالب:  

سون گونلرده کی نفوذی و تخریباتچیلارا قارشی اویاری بیانیه سی

اولو تانری نین آدی ایله
سون گونلرده کی نفوذی و تخریباتچیلارا قارشی، اویاری بیانیه سی .

گونئی آزربایجان دا، مشروطه و ها بئله ۲۱ آذر حرکاتی (میللی حکومت) دؤنه می کیمی چئشیدلی آشامالاردان آشیب چاغیمیزا دوغرو ایره لی له ین میللی حرکاتیمیز، زامان-زامان بیر چوخ باشاریلار الده ائدسه ده قارشیسیندا اولان فارس شوونیزمی بیر چوخ بوروشوق پیلانلار و اویونلاری بو حرکتی دوردورماق و یا چاشدیرماق اوچون ایره لی سوروب. چوخ زامانلار آغیر سالدیریلار و سرکوبلارا معروض قویاراق،
بو مقدس حرکتی ها بئله بیر میللت ین آزادلیغا دوغرو گئدن یولونو باغلاماغا چالیشیبدیر.
سرکوب، باسقی و زوراکیلیق سیاستیندن سونوج آلا بیلمه ین‌ قارا گوجلر، باشقا بیر یؤنتملره ال آتیبلار.
بیر گون مدنی و مسالمت آمیز حرکتیمیزی زامانسیز رادیکالیزه ائتمک دوغرولتوسوندا چئشیدلی اویونلار اوینایاراق، قارشیسیندا عاجیز قالدیقلاری گونئی آزربایجان میللی حرکتی نین سرکوب و محو ائدیلمه یینه زمین یاراتماغا چالیشیبلار.
آنجاق اویاق و تدبیرلی اولان میللی فعاللاریمیز هر تورلو زیان وئریجی پیلانلاری تانییب آییرد ائتمه لرینه گؤره، خنثی اولان بیر چئشید توزاقلار، فارس شوونیزمینی باشقا یؤنتملره ال وورماغا مجبور ائتمیشدیر.
بو پروژه طبیعی دیر کی یئنی دئییل و ایلک اولاراق مئیدانا آتیلماییب، آنجاق چاغیمیزین گونو گوندن گلیشه ن رسانه ای تکنولوژیلرین مغتنم سانان فارس شوونیزمی بو ابزارلاردان اؤزلرینین لهینه و آزربایجان میللتینین علیهینه یارارلانماقدا قرارلی اولوب. نئجه کی حقیقی دونیادا و پیراتیک ساحه ده
میللی فعاللاری آغیر باسقیلارا معروض قویاراق یئنی آدرس وئریر او یئنی آرئنا، دئییل مگر مجازی فضا اؤزللیکله سون آیلاردا تلگرام…
آماج ندیر؟ میللی فعاللاری گرچک موباریزه عرصه سیندن و کوتله ایله گؤروش نوقطه سیندن اوزاقلاشدیریب و یئنی بیر حیصار تعریف له مه یه چالیشیب.
نورمال حالیندا اولاندا نه تکجه آزربایجان حرکتینه بلکه بوتون بشریت توپلومونا خئیر یئتیره بیلن مجازی فضا فارس شوونیزمینین عواملی طرفیندن چوخ جیدی حالدا مدیریت اولدوغونا گؤره ترسینه بعضی یئرلرده نه تکجه حصار کیمی یئنی نسلین غیر واقعی دونیادا پتانسیلین هدره وئریر بلکه بیر ریسکلی سم ه دؤنوشوب.
نئجه کی بو دیرلی ابزار، کئچمیش ده میللی فعاللار طرفیندن منفی ماهیتلرینه گؤره طرد اولونموشلار و ها بئله بو گون «گؤبلک کیمی یئردن چیخان معلوم الحال و مرموز شخصلره» یووا اولموشدور تا دوپ دورو اورکله و تام صداقتله میللی حرکته یئنی قوشولموش گنجلریمیزی شوونیزمین ایسته دییی مسیرلره یؤنلتسینلر!
اوزونتولرله؛ همن بو فضادان سؤزده میللی حرکته منسوب اولان قوروم و شخصلر میللی منافعی یوخ بلکه گروهی و شخصی منافعی گؤزه آلاراق و یا هر هانسی بیر ندنه گؤره بیر ائتلاف کیمی اورتادادیرلار.
بو بللی ائتلاف بوتون میللی-اینسانی اخلاقییاتی آیاقلایاراق اللریندن گلن قدر میللی دیرلره هجوم ائتمکده دیر.
او جومله دن؛ بو گونه قدر آذربایجان میللی حرکتینین تئوریک و پیراتیک ساحه ده کی قازانجلارین
کؤچومسه یه رک یئنی نسله اومودسوزلوغو تزریق ائدرکن تسلیمیت روحونو، مبارزه روحونا بیر آلتئرناتیو کیمی اؤنرمکده دیرلر.
توم چتینلیک لره رغما، الده ائدیلن قازانجلاری گؤرمه مزلیک دن گله رک بو گونه قدر منطیقی و مدنی مبارزه میزی کسرسیز و یالنیز یئرسیز هزینه دوغوران بیر مئتود کیمی گؤرستمه یه چالیشیرلار و آزادلیق اوغروندا هر تورلو هزینه وئرمه یی ضید ارزش کیمی دیرلندیریرلر.
بونونلا دورمایان تخریب ، تحقیر واینحراف آماجلی ائتلاف تیمی باشقا دیرلریمیزه ده هجوم ائتمک ده دیر.
سیخینتی و باسقی سیستئمینین آلتیندا نورمال تشکوللشمه یه ایمکان وئریلمه ین حالدا دوغال اولاراق آتدیقلاری آدیمدان و ائتدیکلری مقبول فعالیت لر اوزوندن و ها بئله آغیر سیناقلاردان کئچیب آغیر هزینه لره قاتلاشان، ائل و کوتله آرا مشروعیت قازانیب مرجعه چئوریلن شخصلرده آمانسیز، رحمسیز و اخلاقسیز تخریبات هجومونا معروض قالماقدادیرلار و دوغال اولاراق بو هجوملار اصلینده میللی فعاللاری یوخ بلکه میللی حرکتین بوتؤولویون آماج آلماقدادیر.
بیز بو بیانیه نی امضا ائدنلر بو وسیله ایله اؤز انزجاریمیزی بو تورلو داورانیش صاحب لریندن و بونو یؤنلدن پرده آرخاسینداکی لاری اویاراراق، بو ضد میللی ائتلاف دان تئزلیکجه اعلام برائت ائدیب آزربایجان میللتینین عفوینه سیغینماقلارین ایسته ییریک و اومود ائدیریک بو بیانیه نین آردینجا بو فتنه نین کؤکدن قازیلماسینا باشقا بیر یازی و یا داورانیش گرکمه سین.

اشتراک گذاری

«انجمن ادبی صابر» برگزار می‌کند؛ جستاری در موسیقی فولکلوریک آزربایجان

آدم ربایی گروه تروریستی پژاک در شهر خوی

مطالب مرتبط

هیچ مطلب مرتبطی وجود ندارد.

دیدگاه خود را ثبت کنید.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

Time limit is exhausted. Please reload CAPTCHA.