آخرین مطالب:  

محمدرضا هیئت: قوزئیلی آذریلر و گونئیلی تورکلر!

اؤیرنجی سسی: گئچنلرده پروفسور ایلبر اورتایلی بیزیم چوخ یاخشی بیلدیگیمیز، آنجاق تورکیه‌ده بیر چوخ انسانین بیلمه‌دیگی بیر گرچگی؛ «آذری» دئیه بیر میلّتین اولمادیغینی ایفاده ائتدی. بو ایفاده سوسیال آغلاردا قیسا سوره‌ده یوزلرجه کز پایلاشیلدی و بگنیلدی. آنجاق بو جمله‌یه ایلک تپکی قوزئی آذربایجان‌دان گلدی! هم ده تورکولوقلاردان!!!

بو شخصلر هر دانیشیقلاریندا قوزئی و گونئی آذربایجان اهالیسی‌نین عینی خالق اولدوغونو، عینی دیلی دانیشدیقلارینی و عینی میلّی کیملیگه صاحیب اولدوقلارینی سؤیلرلر. بو دا یئتمز، تورکیه ایله اولان ایلیشکیلرینی ده «تک میلّت، ایکی دؤلت» شکلینده ایفاده ائدرلر. آنجاق اؤزلرینی تانیدیرکن، تورک سؤزونو ایشلتمکدن چکینرلر.

بو دورومدا ایستر- ایسته‌مز بیر نئچه سورو اورتایا چیخیر:

– اگر قوزئی و گونئی آذربایجان اهالیسی عینی میلّتسه و عینی دیلی دانیشیر، عینی کولتوره صاحیبسه، نه‌دن بونون ۸ میلیونو «آذری»، ۳۵ میلیونو «تورک»دور؟

– اگر هامیسی «تورک»سه، نه‌دن قوزئیده «آذری» کیملیگی ساوونولور؟

– اگر هامیسی آذری ایسه، نه‌دن ۳۵ میلیون اؤزونو «تورک» اولاراق تانیییر و تانیدیر؟

– و ان اؤنملیسی، اگر بو قونودا بیر قارماشا و بلیرسیزلیک وارسا، نه‌دن قوزئی آذربایجان عالیملری (بیر نئچه نفر دیشیندا) گونئیده‌کی سویداشلاری‌نین کیملیک تانیملاماسینی اومورسامیر و بیرلیکده قرار وئرمک یولونو سئچمیر؟

– اگر قوزئی آذربایجان عالیملری سیاسی مصلحتلری! دوشونه‌رک بئله بیر کیملیک تانیملاماسینی (آذری) قبول ائتمک ایسته‌ییرلرسه، نه‌دن بونون گونئی آذربایجان‌لا ایلگیسی‌نین اولمادیغینی آچیقجا ایفاده ائدیب، بوتون آذربایجان اهالیسی آدینا دانیشیرلار؟

اشتراک گذاری

ماهر کعبی، زندانی سیاسی عرب احوازی، اعتصاب غذا کرد

رئیس مشترک پژاک: جنگ را به داخل ایران می‌کشیم

مطالب مرتبط

دیدگاه خود را ثبت کنید.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

Time limit is exhausted. Please reload CAPTCHA.