آخرین مطالب:  

آزربایجان ملی دیرنیش تشکیلاتی‌نین گونازتی‌وی‌نین قارالاما کامپانیاسی ایله باغلی آچیقلاماسی (بیلدیرگه)

اؤیرنجی سسی: بیر آیی آشقیندیر گونازتی‌وی‌نین صاحیبی احمد بی اوبالی چئشیدلی وئریلیشلرله آزربایجان ملی دیرنیش تشکیلاتی اویه‌لرینه مسندسیز اتهام و افترالار ایر‌لی سوره‌رک تشکیلاتیمیزا قارشی گئنیش شانتاژ کامپانیاسی باشلادیبدیر. نه یازیق کی احمد بی علیه‌ینده اولان بعضی شایعه و ادعالاری بیزه نسبت وئریب (کی ایندی بللی اولوب او ادعالارین تشکیلاتیمیزلا بیر علاقه سی یوخدور و عکسینه احمد بیین اؤز اکیبیندن اورتایا چیخیب) اونا گؤره ده تشکیلاتیمیز و عضولریمیزه جنایت، خیانت، ایرانلا ایش بیرلیگی، وطنه اهانت (اورمیه نی کرکوک ائله‌مک اوچون معامله)، سیغینماجیلارا شانتاژ و باسقی و داها نئچه آغیر افترالار آتماغا باشلادی. احمد بی اوبالی بو افترالاری آتارکن نزاکتدن تمامی ایله اوزاق بیر دیلله بیر چوخ یامان و سؤیوش دیله گتیردی.

نه یازیق کی بو آرادا احمد اوبالی بی، ایچریده یاشایان و تشکیلاتیمیزلا علاقه سی اولمایان نئچه شخصین آدینی چکه‌رک او انسانلارین جان، مال و امنیتینی تهلوکه یه آتمیشدیر.

آزربایجان ملی دیرنیش تشکیلاتی باشیندان بری گونئی آزربایجان ملی حرکتی‌نین مصلحتلرینی دقته آلاراق احمد بی اوبالی طرفیندن اورتایا آتیلان حاشیه مساله‌لره قاتیلماق ایسته‌مه‌میشدیر. آنجاق تشکیلاتیمیزا قارشی اتهاملار ایر‌لی سویه‌یه داشینیب یالان سندلر اورتایا آتیلدیقدان سونرا سندلی شکیلده بو شانتاژ کامپانیاسینین یالانلار اوستونده قورولو اولدوغو اثباتلانمیش و ملتیمیز گونازتی‌وی‌دن آتیلان اتهام و افترالارین یالان اولدوغونو گؤرموشدور.

آزربایجان ملی دیرنیش تشکیلاتی گونازتی‌وی ده ایشلدیلن نزاکتدن اوزاق دیل و اخلاق و وجداندان اوزاق داورانیشی، تاریخ یارادان اما بو گون سؤمورگه اولان ملتیمیزه منسوب گروهلارا یاراشدیرمایاراق جواب وئرمک نیتینده اولمامیشدیر. آنجاق تشکیلاتیمیزا منسوب اولان و اولمایان شخصلرین گونازتی‌وی‌دن آدینین افشا اولونماسی، یالان افترالارلا هدف آلینمالاری، خصوصی حریملرینین اخلال اولونماسی و تشکیلاتیمیزا افترالارین آشیری درجه‌یه اولاشیب مخاطب بیلدیگیمیز گونئی آزربایجان تورک ملتی و صادق سایقین ملی فعاللار ایچینده قوشقویا یول آچماماسی آماجی ایله بو افترالار و یالان بهتانلارا سندلرله جواب وئریلمیشدیر.

نه یازیق کی احمد بی آزربایجان تورک میلتی‌نین اعتباری ایله قورولان و میلی اولماسی گرکن بیر تلوزیونو ایللردن بری شخصی واسیطه اولاراق گؤروب و بو تلوزیونو تک طرفلی حسابلاشما و دئدی قودو صحنه سینه چئویریبدیر کی شوبهه سیز اونون اوچون ده تاریخه جواب وئره‌جکدیر.

آیریجا سایین احمد اوبالی یورد ایچینده بللی بیر طیفه یاخین اولان بیر سیرا وطنداشیمیزین سیستملی و هماهنگ شکیلده یازی یازماسینی ساغلامیش و میلی حرکت تاریخینده یئنی بر بدعت قویموشدور. البته بیز یازی یایینلایان وطنداشلاریمیزین خوش نیتلریندن امینیک و بیلیریک اونلار یانلیش و یا اکسیک بیلگیلندیریلیبلر. کئشکه بو وطنداشلاریمیز مادام بو امنیتی ریسکی قبول ائدیب مکتوب یازمیشدیلار، کلی و کلیشه جمله لر یئرینه سورونا داها نئت و آیدین اشاره ائتسه لردی کی هم افکاری عمومی داها یاخشی آیدینلاشاردی و هم بیز اؤز نقصانلاریمیزی داها یاخشی آنلایاردیق.

آزربایجان ملی دیرنیش تشکیلاتی‌نین مرکزی شوراسی تشکیلاتین مختلف کمیته لری و تشکیلات اویه لری ایله استشاره سونراسی، گونئی آزربایجان ملی مصلحتلرینی دقته آلاراق و اوزللیکله یورد ایچینده کی فعاللاریمیزین امنیت‌ینی دوشونرک گونازتی‌وی طرفیندن آپاریلان شانتاژ و قارالامالارا مئدیا اوزیندن جواب وئرمه‌مک قراری آلمیشدیر. یالنیز احمد اوبالی بی تشکیلاتیمیز و عضولریمیز ایله باغلی یئنی سؤزده سندلر! اورتایا آتارسا بیز ده افکاری عمومی نی بیلگیلندیرمگه مجبور اولاجاغیق.

شبهه سیز کی آزربایجان تورک ملتی‌نین آییق وجدانی هر شئیی گؤرور و بیز امینیک کی ملتیمیز ان دوغرو قراری وئرجکدیر و سونوجدا هر کس اؤز عمللرینین جوابینی ملت دن و ملی حرکتدن آلاجاقدیر.

 

آزربایجان ملی دیرنیش تشکیلاتی ایلک یاراندیغی گون کیمی گونئی آزربایجان تورک ملتینین اؤزگورلوگو و سعادتینه ائتدیگی آندی یئنیله‌یرک مبارزه اراده‌سینده هئچ بیر سارسینتی‌یا یول وئرمه‌دن مجادله‌سینه داها اینانجلی شکیلده دوام ائده‌جه‌گینی آچیقلاییر.

 

آزربایجان میلی دیرنیش تشکیلاتی

مرکزی شورا

۰۵/۰۸/۲۰۱۷

اشتراک گذاری

تهدید امنیتی بحران آب در شهرستان خوی

آزربایجان دوران مشروطه همان آزربایجان سال ۸۸ بود؟

مطالب مرتبط

دیدگاه خود را ثبت کنید.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

Time limit is exhausted. Please reload CAPTCHA.