اؤیرنجی سسی: عزیر پور ولی از فعالین شناخته شده در اعتراض به احکام نا عادلانه علیه فعالین حرکت ملی و حمایت از فعالین اعتصاب کننده ، نامه سرگشاده به ملت آزربایجان و وجدان های بیدار بشری نوشته است .

عزیز پورولیمتن نامه عزیر پور ولی که یک نسخه از آن به سایت اؤیرنجی سسی ارسال گردیده به شرح ذیل می باشد

اولو تانرینین آدی ایله

دیرلی آزربایجان میللتی و دونیانین اویاق ویجدانلی اینسانلاری سیزلره سسله نیره‌م .

اوزون ایللر بویو میللت اولاراق ان ایلکین حقوقوموز تاپدالانمیش، ان ایرنج شوونیستی سیاست لره معروض قالمیش و میللی وارلیقلاریمیز، کوکلو و زنگین دیلیمیز دانیلمیش و اوزوموزده ن اوزگه لشدیرمه یه چئشیدلی یوللارلا تحمیل اولموشدور. آنجاق تاریخ بویو ظولمه بویون ایمه‌یه‌ن میللتیمیز بو تحقیرلره و آیری سئچگیلیک‌لره قارشی دیره‌نمیش و میللتیمیزین دیرلی ایگیت‌لری آلنی آچیق، آزاد و موتلو بیر یاشام اوغروندا زامان ـ زامان فداکارلیق ائتمیشلر.

بو گون آزربایجان میللی حرکتی آدی ایله اورتادا اولان حرکتیمیز اوزون ایللرین تحقیرلرینه ، ظولملرینه و آیری سئچگیلیکلرینه و عدالت سیزلیه قارشی عصیان حرکتی دیر. اصلینده کئچمیش حرکتلریمیزده ن درس آلاراق بوتون آیریلیق یارادان ایدولوژی لرده‌ن سیلکله نمیش و و تام میللی حاقلاریمیزی اونده توتان بیر حرکتی، میللتچی اینسانلاریمیزا سون ایللرده سرگی له میشدیر.همیشه اولدوغو کیمی حاق ایستکلر اوغروندا موباریزه آپارماق آسان دئییل ایللردیر میللتچی فعاللار موختلیف اتهام‌لارلا توتوقلانیب و حوکملرین بیر چوخو منیم اولدوغوم و گوردویوم قده‌ر قانون سوز و عدالتده‌ن اوزاق اولموشدور. بو عدالتسیز حبس لرده‌ن بیری کی بیر نئچه آیدیر هامیمیز شاهیدیک آزربایجان میللتی اوغروندا اوزون ایللر بویو چالیشان یولداشلاریمیزین حاق ایستکلریمیزی اوزلری دوشوندوکلری فورمادا تشکیلات اولاراق اورتایا قویدوقلاری اوچون هر بیریسی ۹ ایل حبسه محکوم اولوبلار.

بو حوکم آزربایجان میللی فعاللارینین باخیشینجا عدالت ده‌ن اوزاق بیر جزادیر.

بو حوکمه بو عزیزلریمیز و هم بیر چوخ آزربایجانلی میللی فعاللار اعتیراض ائتمیشلر، آنجاق بو گونه قده‌ر بو عزیزلرین اداری یوللارین هامی سینا ال آتدیقلارینا باخمایاراق ، بو عدالت سیزلییه گوز یومولوب.

آزادلیق سئوه‌ر و ویجدانلی اینسانلار!

۲۰ گوندور بو دیرلی یولداشلاریمیز آجلیق آکسیاسینا ( اعتیصاب غذا) ال آتمیشلار آنجاق بو گونه قده‌ر گونو گونده‌ن اریمه‌لرینه باخمایاراق اونلارا یئترلی جاواب وئرمه ییبلر.

من بیر آزربایجانلی اولاراق اوزومده دونه‌لر بئله‌نسی بیر عدالت‌سیز حوکملرین قربانی اولموشام و ایندیده‌کی وار اولورام ، من بیر آتایام هئچ بیر آتا گوزونون اونونده اولادینا و یاخین بیر کس‌لرینه ناحاقجاسینا اولونان ظولمه گوز یومماز . بو حوکملرده‌قیراق من بیر آزربایجانلی اینسان اولاراق گوزومون اونونده آزربایجانین بو فداکار گنجلرینین چیچک کیمی سولماسینا بوندان آرتیق دوزه بیلمیره‌م .

اوزون ایللرده ن بری تانیدیغیم بو اینسانلارین حاق اوغروندا حاقسیزجا تاپتالانماسینا آرتیق سایماز قالا بیلمه‌ره‌م بونونلادا بورا قدر اینسانلیق آدینا، میللی بیرلیک نامینه بو سئویملی اینسانلاری ساوونان هر کسه اوز سایقیمی بیلدیره‌ره‌ک بو گونده‌ن منده آجلیق اعتیراضینا قوشولورام .

سون اولاراق دئمه لییم میللتین تاپتالانمیش حاققینی آلماغا اولمک گره‌کیرسه من ایلک سیرادا جانیمی وئرمه‌یه حاضیرام.

یاشاسین آزربایجان

عزیزاله پورولی

تبریزین مرکزی زیندانی

۱۲/ ۵ / ۱۳۹۲

Social Share Toolbar
پست الکترونیکی ما

info@oyrenci-sesi.info